दि.१ मे, १९६० रोजी महाराष्ट्र राज्याची स्थापना झाली असल्याने १ मे हा राजभाषा मराठी दिन म्हणून साजरा करण्याचा निर्णय या शासन निर्णयान्वये घेण्यात आला आहे. शासन निर्णय क्र.मभावा-१०९६/११६/ प्र.क्र.७/ ९६/२० ब,दि.१० एप्रिल, १९९७.

महाराष्ट्र नागरी सेवा (इंग्रजी लघुलेखन व इंग्रजी टंकलेखक यांच्यासाठी सक्तीची मराठी लघुलेखन व मराठी टंकलेखन परीक्षा ) (सुधारणा)  नियमावली, 1993 - दि.06.05.1991 च्या “महाराष्ट्र नागरी सेवा (इंगजी लघुलेखक व इंग्रजी टंकलेखक यांना प्राप्त करावयाच्या मराठी लघुलेखन/मराठी टंकलेखन परीक्षा सक्तीची करण्याबाबत” अधिसूचनेमध्ये या नियमान्वये परीक्षेसाठी अर्ज पाठविण्यासंदर्भातील महिन्यामध्ये सुधारणा करण्यात आली आहे. शासन अधिसूचना क्र. टंलेप्र- 1081/ सीआर/344/वीस-ब,दि. 30 सप्टेंबर, 1993

शासकीय अधिकारी व कर्मचारी यांना  एतदर्थ मंडळाची  हिंदी भाषा परीक्षा उत्तीर्ण होण्यापासून सूट देण्याबाबत   -  या शासन निर्णयान्वये माध्यमिक शालांत प्रमाणपत्र परीक्षा ५० अथवा १०० गुणांच्या हिंदी विषयासह उत्तीर्ण झालेल्या अधिकारी व कर्मचारी यांना केव्हापासून सूट देण्यात यावी ते निश्चित करण्यात आले आहे. शासन निर्णय क्र.हिंभाप-१०९२/१३०६/ प्र.क्र.१२९/९२/२०,दि.१६ नोव्हेंबर, १९९२.

मातृभाषा मराठी असलेल्या राजपत्रित अधिका-यांना आणि अराजपत्रित कर्मचा-यांना मराठी भाषा परीक्षेतून सूट देण्याबाबत - या शासन परिपत्रकान्वये मातृभाषेसंबंधीच्या नियमातील निकष पूर्ण करणा-या शासकीय अधिकारी व कर्मचा-यांना केव्हापासून सूट द्यावी आणि  माध्यमिक शालांत प्रमाणपत्र परीक्षा किेंवा त्यापेक्षा वरच्या दर्जाची परीक्षा १०० गुणांचा मराठी उच्चस्तर विषय घेऊन उत्तीर्ण  करणा-या शासकीय अधिकारी व कर्मचा-यांना केव्हापासून सूट द्यावी.  याबाबत तरतूद करण्यात आली आहे. शासन परिपत्रक क्र.मभाप-१०९२/ १०४५/प्र.क्र.९८/ ९२/२०, दि. ३ सप्टेंबर, १९९२.

राज्यात व राज्याबाहेर मराठी भाषेचा विकास व्हावा या उद्देशाने दि.१ मे १९९२ पाासून  राज्य मराठी विकास संस्था या स्वायत्त संस्थेची स्थापना करण्यात आली आहे. क्र. इएसटी-5592/448/ 92/प्रशा-1,दि. 20.04.1992

महाराष्ट्र नागरी सेवा (इंगजी लघुलेखक व इंग्रजी टंकलेखक यांना प्राप्त करावयाच्या मराठी लघुलेखन/मराठी टंकलेखन परीक्षा सक्तीची करण्याबाबत- या नियमानुसार इंग्रजी लघुलेखनाचे काम करणाऱ्या प्रत्येक लघुलेखकाला एतदर्थ मंडळाची 80 श.प्र. मि. लघुलेखनाची व 30 श.प्र. मि. मराठी टंकलेखनाची परीक्षा किंवा  इंग्रजी टंकलेखनाचे काम करणाऱ्या प्रत्येक टंकलेखकाला  30 श.प्र. मि. मराठी टंकलेखनाची परीक्षा विहित कालावधीत उत्तीर्ण  करणे आवश्यक आहे. शासन अधिसूचना क्र. टंलेप्र 1081/ सीआर-344/वीस-ब, दि. 06 मे, 1991

महाराष्ट्र शासकीय कर्मचारी (न्यायिक विभागातील कर्मचाऱ्यांव्यतिरिक्त) मराठी भाषा परीक्षा नियम, 1987 - राजपत्रित  व अराजपत्रित कर्मचाऱ्यांसाठी पूर्वी असलेले वेगवेगळे मराठी भाषा परीक्षा नियम अधिक्रमित करुन एकत्रित नवीन नियम तयार करण्यात आले आहेत. शासन अधिसूचना क्र. मभाप -1087/ 14/सीआर-2/87/ 20, दि.30 डिसेंबर, 1987

ऑफिशियल लँग्वेज रुल्स, १९७६ मधील ११ (3) च्या  तरतुदीच्या अनुषंगाने तसेच या संदर्भातील दि.१८ जून, १९७७ या नियमानुसार त्रिभाषा सूत्राच्या अनुषंगाने सर्व केंद्र शासकीय कार्यालये व त्यांच्या अखत्यारीतील कार्यालये, राष्ट्रीयीकृत बँका, महामंडळे, सार्वजनिक उपक्रम यांना प्रादेशिक भाषा, हिंदी व इंग्रजी अशा तिन्ही भाषेत नामफलक, सूचनाफलक, निर्देशफलक इ.लावण्याचे निर्देश देण्याबाबत सूचना या  केंद्र शासनाच्या ज्ञापनान्वये  देण्यात आल्या आहेत. केंद्र शासनाचे ज्ञापन क्र.१-14013/2/86-ओ.एल. (अे-1),दि.26 फेब्रुवारी, 1986.  

राज्य शासकीय कर्मचा-यांनी एतदर्थ मंडळाची  हिंदी भाषा परीक्षा उत्तीर्ण होण्याबाबत  - माध्यमिक शालांत परीक्षेत ५० अथवा १००  गुणांचा स्वतंत्र तसेच हिंदी-संस्कृत, हिंदी-मराठी, हिंदी-उर्दू  इ.  संयुक्त हिंदी विषय घेऊन उत्तीर्ण झालेल्‍या  अधिकारी व कर्मचारी यांना एतदर्थ मंडळाच्या हिंदी भाषा परीक्षेतून सूट देण्याचा निर्णय या शासन निर्णयान्वये घेण्यात आला. शासन निर्णय क्र.हिंभाप-१०८३/ १४४८/वीस, दि.१ डिसेंबर,१९८४.

राज्य शासकीय कर्मचा-यांनी हिंदी भाषा परीक्षा उत्तीर्ण होण्याबाबत - हिंदी मातृभाषा असलेल्या अधिकारी व कर्मचारी यांना एतदर्थ मंडळाच्या हिंदी उच्चस्तर व निम्नस्तर परीक्षेतून  सूट देण्याची तरतूद या नियमान्वये करण्यात आली आहे. हिंदी मातृभाषेचे निकष ठरविण्यासाठी मराठी मातृभाषेसंदर्भातील दि.१० फेब्रुवारी, १९७८ अन्वये ठरविण्यात आलेले निकष लागू असतील. शासन अधिसूचना क्र.हिंभाप-१०८१/३०५/वीस,दि.२१ जून, १९८२.