तिरंगी आमचा भारतीय झेंडा उंच उंच फडकवू
प्राणपणाने लढून आम्ही शान याची वाढवू ||धृ||

कित्येक लढले याच्यासाठी
कितीकानी दिधले प्राण

यांच्याचसाठी कितीकांनी
फासात घातली मान

देवासमान हा आम्हास
त्याचा मान आम्ही राखू ||1||

क्रांतीकारी अन समाजसेवक
हाती घेवून जातसे चालत

शत्रूच्याही उरात बसती
उंच पाहून याला धडकी

न राहू मागे आपण
चला बळ तिरंग्याचे आपण दावू ||2||

युध्द जरी हो आज नसले
भय देशावरी रोजच कसले

दहशत घालती दहशतवादी
फुकाची करती वादावादी

झाला तिरंगा निमीत्त केवळ
वाद सारे आता बाजू सारुन देवू ||3||

– पाषाणभेद